| " Die Vrystaat " deur S. Ign. MOCKE [boodskap #85672] |
Thu, 16 October 2003 23:11 |
bouer
Boodskappe: 4795
Geregistreer: December 2003
Karma: 0
|
Senior Lid |
|
|
S. Ign. Mocke
Die Vrystaat
En wasig beef die hitte oor die veld,
Waar steekgrassaad witgolwend heen galop,
Vér teen die Suide, waar die songloed smelt,
Steek yl vlieswolkies teen die stoflig op.
En soos 'n luislang, onbeweeglik stil,
Streep oor die veld 'n bruinrug heuwelry,
Waar sonlig op die skurwe rotse tril,
Een enkel skaap in blou karreebos wei.
Vlak bo die hooggebulte westerlyn
Wieg boomplantasies in die songloed rond.
Ver agter skemer dof 'n berg se kruin,
Hier voor my strek die swartgebarste grond
En eindloos wyd strek doods en kaal
Verskroeide vlaktes waar die stofson straal.
Druk gedig
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
